YPJ Public Office
REQA – Tîmên taybet ên rizgarkirina sivîlan ên QSD`ê gelek sivîl ji taxa Nezlit Şehadê ya Reqayê, rizgar kirin.
Pêngava Rizgarkirina Reqayê ku di roja 65`an de dewam dike, rizgarkirina sivîlan jî didome. Di vê çarçoveyê de, tîmên taybet ên rizgarkirina sivîlan ên QSD`ê gelek sivîl ji taxa Nezlit Şehadê ya aliyê başûr ê Reqayê, ji nava pencên DAIŞ`ê rizgar kirin.
Dema şervanan sivîl rizgar dikirin, wekî her car sekvanên çeteyên DAIŞ`ê sivîl ji xwe re kirin armanc. Di encamê de bav û kurê xwe birîndar bûn. Şervanan yekser birîndar rakirin nexweşxaneyê û sivîlên din gihîştin cihê bi ewle.
Di wêneyên ku gihîştin ajansa me de, kêfxweşiya sivîlan bi rizgarkirinê diyar dibe.
