Şervanên YPJʹê  bi xurtî cihê xwe di nava hemleya rizgarkirina bajarê Reqa de digirin. Şervanên jin ên YPJʹê di eniyên herî pêş de şerê çeteyên DAIŞʹê dikin.

Şervanên YPJ`ê yên li taxên Diriyê û Romaniyê di çeperên şer de cih digirin rola jinan a dişerê li dijî çeteyan de anîn ziman.

Şervana YPJ`ê Fîdan Gerzan têkildarî mijarê got ku Jin di hemleyê de roleke xwe ya serke digre û ev tişt anî ziman: ʺJin di hemû aliyan de pêşengtiyiê dike û bi qehremanî li dijî çeteyan şer dike.ʺ

Şervana YPJʹê Buhar Bêrîvan jî têkildarî mijarê ev tişt anî ziman: ʺEm li beramberî çeteyan bi hemû hêza xwe tekoşînê dikin, Het ku em pêş ve diçin, çete direvin. Jin di hemû eniyan de pêşenge û derbeyên mezin li çetayan dixin. YPJʹê hêza jinan ji hemû cîhanê re isbat kiriye. Em ê hemû jinan ji çeteyên DAIŞʹê rizgar bikin.ʺ

Şervana YPJʹê Rûken Nûda got ku ew gav bi gav di pêşevçûnên de ne û wiha dom kir: ʺem pêş ve diçin, çete xwe li ber berxwedana me nagirin û direvin. Bi erebeyên bombebarkirî êrîşî çeperên me dikin. Ev yek nîşana wê yekêye ku çete li beranberî berxwedana me têk diçin û êdî di qadên şer de nikarin li ber xwe bidin. Çawa me Kobanê, Minbic û herêmên din ji çeteyên DAIŞʹê rizgar kirin, em ê Reqayê rizgar bikin û li vir jî dawî li çeteyan bînin.ʺ

Şervana YPJʹê Rûken Nûda di dawiya axaftina xwe de jî got ku bi şerê şervanên YPJʹê ku bi mural û tilîliyan pêk tê, çşete têk diçin û ev tişt anî ziman: ʺEm çeteyan têk dibin, lewma em ji jinên Reqayê re dibêjin ku bela netirsin, em şervanên YPJʹê em hemû jinan ji çeteyan rizgar bikin.ʺ