YPJ Public Office
TEBQA- Bajarê Tebqa tê avakirin û yekemîn malbata Êzidî ya ku neçarî koçberiyê bibû, vegeriya warê xwe.
Tebqa bajarekî bi pêkhateyên xwe dewlemend bû. Ev muzayîka wê bi navê `Sûriya biçûk` û `Firata qeşeng` dihat naskirin. Di aliyê civakî de dewlemend bû. Di hembeza Tebqayê de xiristiyan, şîyî, elewî, ismaîlî, êzidî, ereb, tirkmen, kurd û çerkez bi hev re jiyan dikirin. Çeteyên girêdayî Artêşa Azad, çeteyên Cebhet El-Nusra û herî dawî jî DAIŞ ev muzayîka bajarê Tebqayê ji hevdû belav kirin.
Piştî ku Tebqayê 10`ê gulanê ji aliyê şervanên QSD`ê ve hat rizgarkirin û Meclîsa Sivîl a Tebqayê destbi xebatên avakirin û rêxistinkirine kir, êdî pêkhateyên Tebqayê vedigerin warên xwe.
Di vê çarçevê de welatiyê Êzidî yê bi navê (Y.E.) û keça xwe vegeriyan warê xwe, bajarê Tebqayê. (Y.E.) yê ku nexwest navê xwe eşkere bike û keça xwe sala 2012`an dema ku çeteyên girêdayî Artêşa Azad bajarê Tebqayê dagirkirin, ew neçar man ku dev ji bajarê xwe berdin û berê xwe bidin koçberiyê.
Niha jî malbata Êzidî dê bi ruhekî ewle û aram li ser xaka xwe bijîn.
