Dewreyeke din a Hêzên Taybet ên Artêşa Şoreşgeran bi dawî bû Dîmen

ŞEHBA – Akademiya Şehîd Neîm El-Şêx a perwerdehiya leşkerî û bîrdozî ya kantona Şehbayê, dewreya duyemîn a Hêzên Taybet ên girêdayî Artêşa Şoreşgeran, bi dawî kir.

Di merasîma dawîbûna perwerdeyê de Fermandarên Artêşa Şoreşgeran û Hêzên Şoreşger ên hevbeş ên kantona Şehba, amade bûn.

Dewreya bi navê şehîd Ebû Edra û Ebû Seîd ku wê sê mehan dewam kir, 40 şervan tevlê bibûn. Şervan li ser waneyên  birdozî û hunera şer perwerde dîtin.

Merasîma bi dawîbûna dewreyê, bi toraneke leşkerî ji aliyê şervanan ve hate destpêkirin. Paşê şervanan sonda leşkerî xwarin û hin hunerên şer, xebatên êrîşkirin û destwerdana lezgîn ku li ser hatibûn perwerdekirin, pêşkêş kirin.

Paşê Ji Fermandarên Artêşa Şoreşgeran Dilşêr Idlib û Umer El-Esîr (Ebû Xiyas)axivîn û serkeftinên QSD`ê li Reqa û Dêrazorê bi bîr xistin û gotin ku roj bi roj Sûriyê ji terorê tê rizgarkirin.

Merasîm bi gerandinê govendê bi dawî bû.