Home / Nûçe / Şevê din li Efrînê çi bûyer qewimîn?

Şevê din li Efrînê çi bûyer qewimîn?

EFRÎN – Balafirên Artêşa Tirk a dagirker şevê din saet di 23.00′an de navenda Kantona Efrînê, tevî navçe û gundên wê bombebaran kirin. Di encamê de du sivîl şehîd û du sivîl birîndar bûn.

Piştî ku bombebarana Artêşa Tirk a dagirker a li ser Kantona Efrînê 3 rojan rawestiya, şevê di saet di 23.00′an careke navenda Kantonê tevhî hemû navçe û gundên wê bombebaran kirin û sivîl hedef girtin.

Şevê din saet derdora 18.00′an gundê Aşka û gelek navçeyên herêma Cindirêsê rastî topbaraneke dijwar a Artêşa dagirker û çeteyên wê hat. Saet di 22.00′an de taxa Eşrefiyê ya bajarê Efrînê rastî bombebarana Artêşa Tirk a dagirker hat.

Di encama topbaran û bomebaranê de, şehîd û birîndarên sivîl hebûn. Bi destpêkirina êrîşan re, kadroyên tenduristiyê yekser berê xwe dan herêmên rastî top û balafirên Tirk hatin û destek dan sivîlan.

Bombebaranê heta saet 00.05′an, topbaranê jî heta saet 01.00′ê dom kirin.

Li gorî çavkanıyên ji cihê bûyerê girtine, di encama êrîşan de jina bi navê Emîne Şahîn û mêrê bi navê Ebdulqadir Osman (70) şehîd bûn, jina bi navê Xedîce Ebdulmenan (60) û Sedîqa Mihemed jî birîndar bûn.

Kadroyên tenduristiyê şehîd û birîndar rakirin nexweşxaneyên bajêr. Herdû birîndar li nexweşxaneyê têne dermankirin.

Artêşa Tirk a dagirker û bermahiyên El-Qayîde, DAIŞ û El-Nusra ji 20′ê Çile ve dest bi êrîşên li ser herêma Efrînê kirin. Di encamê de zêdeyî 150 şehîd û zêdeyî 300 sivîl jî birîndar bûn.

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …