YPJ Public Office
EFRÎN – Balafirên Tirk gundên navçeya Şera û herêma Racoyê bombebaran dikin. Şervanên YPG/YPJ′ê du erebeyên leşkerî yên dagirkeran îmha kirin.
Li derdorê gundên Erendê, Sînka û Xerabê Şera yên girêdayî Şera, Hec Hisna û çiyayê Hawar ên girêdayî herêma Racoyê bombebarana balafirên Tirk, topbaran û êrîşên bi çekên giran bênavber berdewam e.
Li vê qadê êrîşên hewayî îro qet nesekiniye. Her wiha topbaran û êrîşên çekên giran li ser herêma Cindirêsê û gundewarên wê jî didome. Şervanên YPG/YPJ′ê du erebeyên leşkerî yên dagirkeran (yek li gundê Çema yê girêdayî navçeya Şera, yek jî li gundê Berava yê girêdayî Bilbilê) yên Artêşa dagirker îmha kirin.
