YPJ Public Office
REQA – Li navenda bajar û li aliyê rojhilat ê Reqayê di van kêliyan de şerên dijwar rû didin. Şervanên QSD`ê 16 sivîlên ku çeteyên DAIŞ`ê wekî mertal bikar dianîn, rizgar kirin.
Pêngava Rizgarkirina Reqayê di roja 113`an de bi hemû leza xwe dewam dike. Li gorî agahiyên ku ji herêma şer hatine girtin, di van kêliyan de li navenda bajar û li aliyê rojhilat ê Reqayê, şerên dijwar rû didin.
Li aliyekî din, operasyona paqijkirinê li taxên El-Meşleb, Sîna û gundê Reqa Semra, ku duh hinek çeteyên DAIŞ`ê bi cilên sivîl derbasî bibûn, didome.
Di heman demê de, li herêma Cezrat a sînora di navbera Reqa û Dêrazorê de ye, şerên dijwar diqewimin.
Ji aliyekî din, tîmên taybet ên rizgarkirina sivîlan ên QSD`ê 16 sivîlên ku çeteyên DAIŞ`ê wekî mertal li taxa Nehda ya aliyê rojava yê Reqayê bi kar dianîn, rizgar kirin.
Şêniyên ku hatine rizgarkirin, tekez kirin ku çeteyên DAIŞ`ê dema 7 kes ji malbatê dixwastin ji wan birivin, ew kuştin. Lê derbarê navên kesên ku hatine kuştin de tu agahî nehatine bidestxistin.
