EFRÎN- Gundê Merenaz û Malkiyê yên navçeya Şera ji ber topbaran Tirkî û çeteyên wê veguherîne cihên wêrankirî û şêniyên wan gundan  neçar mane di kampên koçberiyê de bi cih bibin.

Gundên Merenaz û Malkiyê dikeve 30 kîlometreyan  rojhilatî Kantona Efrînê û 5 kîlometreyan başûr- rojavayî bajarê Ezazê ne. Li Merenaz zêdeyî 500 mal hene û li gor serjimariya 2004`an hejmara niştecihên wê gihîşt 959, her wiha li gundê Malkiyê jî zêdetirî 200 mal hene.

Şervanên YPG`ê û li ser banga welatiyên herdu gundan di dawiya 2015`an di dema rizgarkirina balafirgeha Minix a leşkerî de, ew herdu gund jî rizgar kirin û wêneyên şehîdên ku di oxira rizgarkirina wan de jiyana xwe ji dest dan, li qada gund bicih kirin.

Piştî rizgarkirinê, herdu gund bûn hedefên dewleta Tirk û çeteyên wê û rojane top li gund dikevin, lewma welatiyên herdu gunda li kampên koçberiyê man û nikarin vegerin malên xwe.

Li ser riya herdu gundan, tu rengê jiyana  sivîl nema ye, gelek mal hatine ruxandin, mizgeft hatin hedefgirtin û heta pelên pirtûka pîroz Quraan belav bûye.

Di dîmenên de jî ruxandina malan û koçberiya welatiyan diyar dibe.

BEŞÊ RAGIHANDINA BUROYA GIŞTΠ YA  YPJ Ê