REQQA – Şervanên QSD ji duh êvarî de, li gelek deverên bajarê Reqqayê derbeyên giran li çeteyên DAIŞ’ê xistin û rêya istratejîk a naverasta bajar ji çeteyan rizgar kirin. Di encama şerê şeva din heta niha li Reqqayê 27 çete hatin kuştin.
Pêngava Rizgarkirina Reqqayê di roja 28`an de bê navber û bi hemû dijwariya xwe dewam dike. Çeteyên DAIŞ`ê xwestin ku duh êvarî êrîşî taxa Hîşam Ebdilmelek a aliyê başurê Reqqayê bikin, şervanên QSD`ê bi tevgera çeteyan hîsiyan û li ser bersivdayîna şervanan, şer heta destê vê sibehê dewam kir.
Di encama şer de, 12 çete hate kuştin û maşîneyeke bombebarkirî ya çeteyan hate rûxandin. Di berxwedana li taxê de, çar şervanên QSD`ê şehîd ketin û 3 birîndar bûn.
Li taxa Reqqaya kevin jî, şerê ku ji duh êvarî de di navbera şervanan û çeteyan de derketibû, heya niha didome. Li vir jî 9 çete hatin kuştin.
Li aliyê rojava yê Reqqayê jî, li taxa El-Diriyê ber destê sibehê şer derket. Li vir jî 11 çete hatin kuştin û şervanan 3 balafirên keşfê yên çeteyan xistin xwarê. Yek jê kete destê şervanan. Di heman taxê de di encama berxwedanê de, şervanekî QSD`ê şehîd bû û 3 şervan jî birîndar bûn.
Li naverasta bajarê Reqqayê jî, di encama şerên giran de ku ji duh şev û heta sibehê dewam kir, şervanên QSD`ê derbeyên giran li çeteyan xistin û bi pêş ve çûn. Şervanan li naverasta bajar rêya istratejîk û mezin ku diçe Mizgefta Kevnar û bi navê “Rêya Seyf Eldewle” tê naskirin, rizgar kirin. Di encama şerê dijwar ji duh êvar û heta niha li naverasta bajar 27 çete hatin kuştin.
Li başûr-rojhilatê Reqqayê jî, êrîşa çeteyên DAIŞ`ê ji aliyê şervanên QSD`ê ve hate şikandin. Li vir şervanan du erebe yek tevî doçka wê û maşîneyeke din a leşkerî ku 10 çete têde bûn, hatin îmhakirin. Di encamê de 10 çete jî hatin kuştin.
Li bakurê bajarokê Retlayê jî ber destê sibê şer derket. Li vir jî 3 çete hate kuştin, 1 cenaze, 2 qilêş û BKC kete destê şervana de.
BEŞÊ RAGIHANDINA BUROYA GIŞTÎ YA YPJ Ê