YPJ Public Office
GIRÊ SPÎ – Li Akademiya Şehîd Ezîz Ereb dewreyeke din a şervanên QSD′ê bi dawî bû.
Li Akademiya Şehîd Ezîz Ereb dewreyek perwerdeyê bi tevlîbûna 230 şervanên QSD′ê bi navê ″Şehîd Çekdem Çekjîn″ hat vekirin. Dewreyê mehekê dom kir û tê de dersên leşkerî û bîrdozî hatin dayîn.
Şahiya bidawîbûna dewreyê li gundê Şebdax ê girêdayî bajarê Girê Spî bi beşdariya Berdevkê Fermî yê YPG′ê Nûrî Mehmûd, berpirsê avakirina focên leşkerî yên QSD′ê Sîdar Serêkaniyê, Fermandarên YPG′ê û nûnerên saziyên Rêveberiya Xweser a Girê Spî hat lidarxistin.
Destpêkê toraneke leşkerî ji aliyê Endamên dewreyê ve hat lidarxistin. Piştre Nûrî Mehmûd axivî, bal kişand ser serkeftinên hêzên QSD′ê li Bakurê Sûriyê û wiha got: ″Li Sûriyê alozî rû dide û gelek aliyên îdîa kirin ku ew ji bo avakirina civakeke azad û demokratîk Sûriyê firotin dewletên derve″.
Mehmûd da zanîn ku Hêzên QSD/YPG/YPJ′ê civaka Sûriyê bi hemû gelên wê parastin û projeya demokrasiyê pêş xistin.
Di dawiyê de dîlan hat gerandin û şervan li noqteyên leşkerî hatin belavkirin.
Şervanê YPG′ê şehîd Çekdem Çekjîn 10′ê Tebaxê di hemleya rizgarkirina Reqayê de şehîd bûye.
#Beşê_Ragihandinê
#Nivîsgeha_Têkîliyên_Giştî_Ya_YPJ
