YPJ Public Office
EFRÎN – Çeteyên girêdayî Tirkiyeyê dîsa êrîş birin ser herêma Efrînê û bi bersiva YPG re rû bi rû hatin. Hate zanîn ku 7 çete birîndar bûne.
Komên çete ku piştgiriya xwe ji dagirkeriya Tirk werdigrin ji gundê Kefer Xaşir û bajarê Ezazê êrîş birin ser gundên Eyn Deqnê û Merenaz û Girê Qestel Cindo yên navçeya Şera ya Efrînê. Çeteyan 10 topên hawanê avêtin van gundan.
Yekîneyên Parastina Gel û Yekîneyên Parastina Jin bersiv dane jêderên êrîşan û bi çekên giran ew hedef girtin. Li gorî çavkaniyên ji nava YPG’ê 7 çete birîndar bûne, lê nehate zanîn gelo di nava çeteyan de kuştî hene an na.
Artêşa Dagirker a Tirk û çeteyên xwe ji destpêka 2017’an heta niha zêdetirî 700 êrîş birine ser herêmên Efrînê û bi hemû rê û rêbazan hewl didin ku vê herêmê dagir bikin. Lê her ku êrîş dikin bi berxwedaniya şervanên YPG, YPJ û Hêzên Şoreşger re rû bi rû tê û paşde vedikişin.
