BEŞÊ  RAGIHANDINA  BUROYA YPJ Ê-  ŞAHBA – Artêşa Tirk a dagirker û çeteyên wê binpêkirin û talankirina herêmên Şahba didomîn in, her wiha artêşa Tirk a dagirker çeteyên DAIŞ`ê ên berê wek berpirs datîne ser saziyên xwe.

Ji dema artêşa Tirk a dagirker xaka herêmên Şahba dagirkirye de, binpêkirinê derheqê sivîlan de pêk tîne. êkencedana welatyê bi navê Ehmed Şêx ku kêmek ma qetil bikin, qetilkirina jina ciwan a kurd Îman Mislim û qetilkirina welatiyekî li ser xala kontirolê ya gundê Til Betal ji aliyê çeteyên firqa El-Hemze, her wiha talankirina sivîlan, tirs kir dilê sivîlên herêmê.

Di vê derbarê de, dêmenek ku têde diyar dibe ku çawa çeteyên Sultan Murad du welatiyan talan dikin, ket destên ANHA`yê.

Di dîmen de diyar dibe ku welatiyê bi navê (A A) dibêje ku ʺfirqa Sultan Murad 18 hezar lîre û gustîlkekî zîv ji min dizîn, ew firqa Sultan Murad e, ala wan jî bi rengê sor bû.ʺ

Welatiyê ku navê wî nehatiye diyar kirin jî wiha dibêje:ʺFirqa Sultan Murad gustîlkekî zêrî bi buhayê 120 hezar lîre û gustîlkekî zîv û 20 hezar L.s û paketek titûn ji min dizîn.ʺ

Demên berê jî, hin çavkaniyan ji ANHA`yê re diyar kirin ku benda kontirolê ya gundê El-Zahiriye ya girêdayî herêma Babê ku çeteyên Sultan Murad rêveberiya wê dikin, her kesî derbasî xaka ku çeteyên artêşa Tirk a dagirker dagirkirine bibe, talan dikin.

Endamên DAIŞ`ê niha berpirsên saziyên artêşa tirk a dagirker in

ji aliyekî din ve, çavkaniyên ji bajarê Ezazê diyar kirin ku çeteyên DAIŞ`ê yên berê, niha serçeteyên saziyên ku artêşa Tirk a dagirker li cihên dagirkirine avakirine ye.

Çavkaniyan diyar kirin ku berpirsê saziya ewlehiyê ku piştî artêşa Tirk a dagirker herêmên Şahbe dagirkirine avakiriye, çeteyê bi navê Ehmed Zêdan ku navê Hecî Hirêtan li xwe kirî ye, ku ji bajaroka Hirêtan a gundewarên rojavayê Helebê ye.

Çavkaniyan hin zanyarî li ser wî serçeteyî şandine ku“ Vî serçeteyî di meha Êlûna 2013`an de, dema çeteyên DAIŞ`ê ew herêm dagirkirine, tevlî çeteyên DAIŞ`ê bûye, niha jî têkilyên wî yên bi hêz bi gelek emîrên çeteyên DAIŞ`ê re hene. Her wiha bi pareyan dîlan di navbera hev û dû de diguherandin. ʺ

Wêneye wî seçeteyî jî ket destê ANHA`yê.

ANHAʹyê ji bo ewlekariyê nasnameya welatiyan eşkere ne kirine.

ÇAVKANÎ:HAWAR