YPJ Public Office
KOBANÊ – Li Akademiya Şehîd Feysel Ebû Leyla dewreya bi navêʺŞehîdên Efrînêʺbi dawî bû û 183 ciwan tevlî QSD`ê bûn.
Piştî êrîşên Dewleta Tirk a dagirker û çeteyên wê li ser Efrînê tevlbûna nava refên QSD`ê zêde bû.
Di vê çarçoveyê de, 183 ciwanên ji hemû pêkhateyên Bakurê Sûriyê dewreya xwe bi dawî kirin û tevî QSD`ê bûn. Merasîma bidawîkirina dewreyê bi toreneke leşkerî bi heybet ji aliyê şervanên QSD`ê ve hate destpêkirin.
Fermandarên QSD`ê ji herêma Cizîrê û Firatê tevî merasîmê bidawîkirina dewreyê bûn. Di merasîmê de şervanan sond xwarin ku wê hemû destkeftiyên şoreşa Rojava û gelê herêmê, biparêzin.
Ji fermandarên QSD`ê Ciwan Mihemd di merasîmê de wiha axivî “Em dewreya ʺŞehîdan Efrînêʺ li hemû şêniyên Bakurê Sûriyê û hemû gelê bin dest ên ku dixwazin azadiya xwe bidest bixin, pîroz dikin. Baweriya me heye ku wê şervanên me li hember êrîşên ku dixwazin destkeftiyên şoreşa Rojava û projeya demokratîk binpê bikin, bibin mertal.
