Home / Nûçe / Xezeba Firatê: Bajaroka Hemrat Nasra û gundek hatin rizgarkirin  

Xezeba Firatê: Bajaroka Hemrat Nasra û gundek hatin rizgarkirin  

 BEŞÊ RAGIHANDINA BUROYA YPJ –  REQQA – Bajaroka Hemrat Nasra piştî şerê 3 rojan şevê din bi temamî ji çeteyan hat paqijkirin. Her wiha şervanên QSD’ê gundê Hemrat El-Belsim jî rizgar kirin.

Pêngava Çaremîn a Xezeba Firatê ku piştî navberek kurt dîsa destpêkiribû bi lez dewam  dike.

Şervanên Odeya Çalakiyan a Xezeba Firatê şevê din ji bo bajaroka Hemrat Nasra ya 5 km li bakur rojhilatê Reqqa dikeve bi temamî rizgar bikin ketin tevgerê. Piştî şerê 3 rojan şevê din şervanan hemû noqteyên di destê çeteyan de bûn girtin û bajarok bi temamî xistin bin kontrola xwe.

Piştî rizgarkirina bajarok,  şervanan pêşveçûyînên xwe berdewam kirin û berê xwe dan gundê Hemrat El-Belsim. Di encama şerê ku bi saetan dewam kirî de, gund di saet 03.00’an de ji çeteyan hat paqijkirin.

Şervanan li bajaroka Hemrat Nasra û gundê Hemrat El-Belsim dest bi lêgerîn û paqijkirina bermahiyên çeteyan kirin.

Li aliyekî din,  şevê din çeteyên DAIŞ`ê derdora saet 03.00’an hewil dan êrîş bibin ser gundê Baran a ku berî çend rojan hatibû rizgarkirin. Li gundê ku li bakur rojavayê Reqqayê dikeve çeteyan xwestin bi 7 êrîşkarên xwekujî encam bigrin. Şervanan bersiva tund dan û li gund şer derket. Çeteyekî xwe teqand û 6 êrîşkarên din ji alî şervanan ve hatin kuştin. Hewildana êrîşê hat pûçkirin û termê çeteyên hatin kuştin ket destê şervanan.

Di êrîşa xwekujî ya çeteyan û şerê dijwar ê 2 rojên dawî de, 6 şervanên Odeya Çalakiyan a Xezeba Firatê şehîd ketin

ÇAVKANÎ:HAWAR

Check Also

The Turkish Occupation And Its Mercenaries Are Targeting The Civilian Homes In Ain Issa

 Early this evening (July 14), the Turkish occupation and its mercenaries have targeted with mortar …