YPJ Public Office
TEBQA – Şêniyên Tebqayê cenazeyên 5 şervanên QSD‘ê yên di Cotmehê de li Reqayê şehîd bûne, oxir kirin.
Şêniyên bajarê Tebqayê û gundên wê cenazeyê şervanên QSD‘ê Mistefa Efara (Mistefa Reqa), Ibrahîm El-Ehmed (Zeyîm), Xalid El-Meter (Diyab), Ehmed Yasîn (Ehmed Reqa) û Kamil Dubo (Ebû Mihemed) ên di encama teqîna mayînên çeteyan li Reqayê Şehîd bûn li goristana Şehîdên Tebqayê oxir kirin.
Bi sedan welatiyan li goristanê kom bibûn û li benda kerwanê cenaze ku dê ji Kobanê were bûn.
Dema kewranê cenazeyan gihişt welatiyan bi dirûşmeyên “Şehîd Namiri” ew pêşwazîkirin.
Li goristanê merasîmê oxirkirinê hate lidarxistin û bi rêzgirtinê dest pê kir. Paşê ji fermandara YPJ‘ê Derya Amargî sersaxî ji malbatên şehîdan re xwest û got ku rizgarkirina ji DAIŞ‘ê rojbûneke nû ye, êdî gel bi xwe, xwe diparêze û xwe bi rêve dibe.
Di merasîmê de, nimêj li ser cenazeyan hate kirin.
Şêniyan cenzeyên şehîdan di nava dirûşmeyan û tilîlîliyên dayika spartin axê.
#Beşê_Ragihandinê
#Nivîsgeha_Têkîliyên_Giştî_Ya_YPJ
