YPJ Public Office
EFRÎN – Hovîtiya artêşa dagirker a Tirkiyeyê û komên terorîst ên girêdayî wê li dijî welatiyên herêma Efrînê û binesaziyên herêmê weke mizgeft, deverên dîrokî û mezarên şehîdan ji 20’ê Çile ve berdewam dike.
Artêşa Tirk îdîa dike ku ew li gorî ola Îslamê tevdigere û şerê terorê dike, lê bi riya gelek belge û dîmenan rastiya dewleta Tirk eşkere dibe ku ti girêdana wê bi ola Îslamê re tune ye û hemû nirx û pîvanên olên ezmanî binpê dike û deverên îbadet û mezaran wêran dike.
Balefirên artêşa dagirker beriya hefteyekê mezara şehîd Seydo ya li gundê Kefer Sefrê ya devera Cindirêsê armanc girt û di encamê de gelek kêlên gorên şehîdan hatin wêrankirin.
