YPG`ê nasnameya şehîdan eşkere kir

October 2, 2017 Daxwuyanî, Nûçe, Pakrewan, SLIDER 845 Views

NAVENDA NÛÇEYAN – Navenda Raghandin û Çapemeniyê ya YPG`ê bi daxuyaniyeke nivîskî nasnameya 9 şehîdên Pêngava Bagera Cizîrê û Hemleya Rizgarkirina Reqayê, eşkere kir.

Navenda Çapemeniyê ya YPG`ê têkildarî şehadeta 9 şervanan daxuyaniyeke nivîskî weşand û sersaxî ji malbatên cangoriyan re xwest.

Daxuyaniya YPG`ê wiha ye:

“Hêzên Sûriyeyê Demokratîk (QSD) bi pêşengtiya şervanên YPG û YPJ`ê di berdewamiya operasyonên xwe li dijî terora DAIŞ’ê li Bakurê Sûriyê di Pûşbera 2017’an de Cenga Mezin a rizgarkirina Reqayê ragihand. Hêzên QSD`ê beriya wê jî ji Mijdara 2016’an ve li herêma Reqayê li hember DAIŞ’ê bênavber di nava çalakiyê de bûne. Bi sed hezaran gelê wê menteqê ji çeteyan rizgar kiriye, di cihên ewle de bi cih kiriye û tevî derfetên xwe yê kêm jî pêdiviyên wan yên jiyanî pêk aniye. Di navenda bajarê Reqayê de jî şerê ku çar meh li pey xwe hiştiyê roj bi roj nêzîkê encamê xwe dibe.

Li bakurê Dêrazorê, rojhilat û bakurê Çemê Firatê ku bi navê Herêma Cizîrê tê naskirin jî di 9’ê Îlonê de weke qadekî nû ji operasyonên QSD’ê re hate ragihandin, li wir Pêngava Bagera Cizîrê hate destpêkirin. Piştî rizgarkirina bi deh hezaran welatiyên sivîl û ewlekirina gelek nuqteyên stratejîk, ruxmê êrişên rejîma Sûriyê û Rûsyayê, QSD’ê ji bo azadiya gelê xwe bê westandin di nava liv û tevgerê de ye.

Di encama şerên ku di navbera 24’ê Îlon û 1’ê Cotmehê li Reqa û Dêrazorê hatine jiyanakirin, neh rêhevalên me li pey lehengiyekî mezin gihiştine şehadetê. Nasnameya wan rêhevalên ku ji pêkhateyên Ereb û Kurd in îro tê ragihandin.

Weke YPG û YPJ`ê, di serî de ji malbata van şehîdan, ji tevahî gelên xwe yê welatparêz re sersaxiyê dixwazin. Şehadeta hevrêyên me girêdana me bi şoreşa azadîxwaziyê re bêhtir bihêz dike, xwedîderketin ji rêya şehîdan weke hertim wê soza me be.

Nasnameya şehîdan wiha ye: