YPG‘ê nasnameya 6 şehîdên Bagera Cizîrê ragihand

October 30, 2017 Daxwuyanî, Nûçe, Pakrewan, SLIDER 1,596 Views

NAVNEDA NÛÇEYAN- YPG‘ê nasnameya 6 şervanên xwe yên di çalakî û operasyonên 27’ê Cotmehê li bakurê Dêrazorê şehîd bûne ragihand.

Navenda Ragihand û Çapemenî ya YPG‘ê têkildarî mijarê daxuyaniyeke da.

Daxuyanî wiha ye:

“Têkçûna çeteyên DAIŞ’ê li Sûriyê û tevahî herêmê bi berxwedana dîrokî ya Kobanê destpêkir û bi operasyonên Hêzên Sûriya Demokratîk QSD’ê ev pêvajo hêzekî nû girt. Şervanên QSD’ê ku ji hemû rengên gelê Rojava, bakurê Sûriyê û cîhanê pêk tên, bi pêşengtiya şervanên YPG’ê û YPJ’ê ji dawiya sala 2015 heta roja me ya îro îradeya gelan îsbat kirine. Îrade û helwêstekî raber kirine ku ne terora aliyên weke DAIŞ’ê qebûl dike, ne zordariya dagirkeran dipejirîne û ne ji zilma rejîman re rê dide. Ev îradeya yekgirtî bi rizgarkirina Hol, Şedadê, Tişrîn û Minbic re xurt bû û bi rizgarkirina Reqqa jî tacîdar bû.

Hêzên Sûriya Demokratîk bi vê meşa xwe ya serkeftî soza binxistina çeteyan bicîh anî, biratiya gelan ne tenê bi gotin, ku di emel de da jiyankirin û ser van bingehan pêngava Bagera Cizîrê li herêma bakurê Dêrazorê dide meşandin. Herçend ku aliyên neyar bi xirabkariyên xwe weke hewandina çeteyan li ser erdê dixwazin pêşî li van pêşketinan bigirin ango bi gotina vê yekê ku ‘ji ber em ne li Reqqayê ye ne xwe Reqqa ne azad e’ dixwazin vê têkoşînê reş bikin jî, lê QSD’ê di parastina nirxên hevpar û destkeftiyên xwe de bi îsrar e û ji bo pêşeroja Şoreşa Bakurê Sûriyê bi pîlan û piroje ye.

Di çarçoveya Pêngava Bagera Cizîrê ku di rojên dawî de bi şerên giran li dijî çeteyan dewam dike, îro nasnameya şeş hevalên me yên ji pêkhateya Ereb û Kurd tê ragihandin ku di çalakî û operasyonên 27’ê Cotmehê li bakurê Dêrazorê gihiştine şehadetê.

Weke YPG’ê, di serî de ji malbata van şehîdan, ji tevahî gelê xwe yê welatparêz re sersaxiyê dixwazin û bi vê boneyê carekî din soza xwe nû dikin ku xwedî li ked û şehadeta hevrêyên xwe derkevin.”

Nasnameya şehîdan wiha ye: