Şehîdên Pêngava Rizgarkirina Reqqa (21-22 Tîrmeh 2017)

Pêngava Rizgarkirina Bajarê Reqqa di qonaxeke krîtîk de didome. Di nav şer û pevçûnên bênavber de rizgarkirin û parastina sîvîlên herêmê jî tê kirin. Hêzên Sûriya Demokratîk ya di pêşengtiya YPG û YPJ’ê de, heya niha pêşdeçûneke girîng bidest xistin û bi vê yekê re rizgarkirina bajar her roja ku diçe nêziktir dibe.

Çeteyên ku dixwazin ji bajarê ji her çar aliyan ve hatiye dorpêçkirin birevin û xwe xelas bikin, bi vê armancê hewl didin êrîşî şervanan bikin. Di encama êrîşan de li herêmê pevçûnên dijwar diqewimin. Di şerên ku di çend rojên dawî de qewimîn de 3 hevalên me bi armanca şikandin êrîşa çeteyan ketin nav şerê dijwar û di encamê de şehîd ketin. Van hevalan di nav operasyona Reqqa de rolê xwe bi awayekî herî serkeftî lîstin û hewl dan berpirsiyartiyên xwe pêk bînin, bi vî awayî bi sekn û şerên xwe bûn mînak.

Şehîd Çiya Agir, ji sala 2011’an ve di nav refên Yekîneyên Parastina Gel de cîhê xwe girt û di her pêngavê de bû xwedî mîsyon. Herî dawî jî di Pêngava Rizgarkirina Bajrê Reqqa de di asta Fermandariya Eyaletê de cîhê xwe girt û têkoşîn meşand. Şehîd Lewend Xezna jî, di encama qezayekê de brîndar bû, ruzmê hemû destwerdanên ku li nexweşxaneyê hatin kirin jî, gihîşt şehadetê.

Em weke YPG û YPJ, di serî de ji malbatên van şehîdan re, ji hemû gelê xwe yê welatparêz re sersaxiyê dixwazin. Em soza xwe ya şopandina rêya wan dubare dikin.

Nasnameyên şehîdan wiha ye:

Nasnav: Botan Mêrdîn

Nav û Paşnav: Mazlum Eşîyok

Navê Dayikê: Perîhan

Navê Bav: Îsmaîl

Cih û Dîroka Şehadetê: Reqqa / 22 Tîrmeh 2017

Nasnav: Çiya Agir

Nav û Paşnav: Nebî Şêxo

Navê Dayikê: Sebîha

Navê Bav: Mihemed

Cihê Ji Dayikbûnê: Kobanê

Cih û Dîroka Şehadetê: Reqqa / 22 Tîrmeh 2017

Nasnav: Dilşêr Til Hemîs

Nav û Paşnav: Yusuf Hac

Navê Dayikê: Ecmiye

Navê Bav: Hesen

Cihê Ji Dayikbûnê: Til Hemîs

Cih û Dîroka Şehadetê: Reqqa / 21 Tîrmeh 2017

Nasnav: Lewend Xezna

Nav û Paşnav: Macit Hesen

Navê Dayikê: Latîfe

Navê Bav: Ebdilkerîm

Cihê Ji Dayikbûnê: Til Maruf

Cih û Dîroka Şehadetê: Reqqa / 22 Tîrmeh 2017