Home / Nûçe / Li Eyî Îsa 5 pakrewanên Bagera Cizîrê hatin oxirkirin

Li Eyî Îsa 5 pakrewanên Bagera Cizîrê hatin oxirkirin

GIRÊ SPΠ– Li navçeya Eyn Îsa, cenazeyên 5 şervanên QSD‘ê yên di Pêngava Bagera Cizîrê de şehîd bûn bi dirûşme û tilîliyên dayikan hatin oxir kirin.EYINESA-OXIRKIRNA-SAHIDAN (7)

Şêniyên navçeya Eyn Îsa ya kantona Girê Spî ji bo oxirkirina cenazeyên şervanên QSD‘ê Emar El- Exres, Mihemed El-Reşaq, Emar Ecreş, Ebdiselam Mihemed û Fayîz Amir bi kerewanekî herikîn gundê El- Hikûmiya ya bajarê Reqayê, ji bo ku li pakrewangehê bispêren axê.

Bi sadan welatiyên navçeya Eyîn Îsa û gundên wê, bi dehan şervanên QSD‘ê û Hêzên Ewlekariya Hindirên beşdarî merasîmê oxirkirinê bûn.

merasîm bi rêzgirtinê û toreneke leşkerî ji hêla şervanên QSD‘ê dest pê kir.

Paşê Endamê Komîteya Têkiliyan a QSD‘ê Siûd  El-Fêysel sersaxî ji malbatên şehîdan re xwest û got “Em bejna xwe li hember şehîdan û dayikan wan ditewînin. Şehadeta her şervanekî me mezin dike û pê serbilin in. Keç û xortên me ji bo rizgarkirina welêt ji çateyên DAÎŞ‘ê can û xwîna xwe bi gorî kirin.”

Li ser navê Meclîsa Malbatên Şehîdan a Navçeya Eyn Îsa Mehmûd El-Xelef axivî û got: “Me 5 pakrewan dan, lê em şîniyê nakşînin û em qels nabin. Şehadeta her şevanekî ji bo me serkeftin e û li şûna wan bi sedan leheng  tevlî dibin û çekên hevalên xwe hildigirin. Ji ber vê yekê tê xeta têkoşîna wan herdem beredewam e.”EYINESA-OXIRKIRNA-SAHIDAN (8)

Ji hêla xwe ve endama Rêveberiya Mala Jinê ya Eyn Îsa  Emanî El-Sefer deste nîşan kir ku di oxirka şehîdan de îradeyeke bi hêz pêş dikeve, bi vê hêzê welatekî azad ava dibe.

Di dawiya merasîmê de, nasnameya şehîdan hate xwendin û radestî malbatên wan kirin. Paşê rêhevalên pakrewanan derbastên hevalên wan hilgirtin ser milan û bi tilîl û dirûşmeyên dilsoziya bi şehîdan re spartin axê.

 

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …