YPJ Public Office
NAVENDA NÛÇEYAN – YPG: Em ê Berxwedana Serdemê bi rihê rêheval Polatan bi ser bixînin. Em soza bilindkirina têkoşîn û berxwedanê didin.
Navenda Ragihadina YPGʹê bi daxuyaniyekê nasnameya şervanê YPGʹê Polat Efrîn ku canê xwe fedayî axa Efrînê kir, eşkere kir.
Daxuyanî wiha ye:
ʺBerxwedana Serdemê ya Efrînê dikeve roja xwe ya 52’an de bi hemû dijwariya xwe didome. Di serî de berxwedana gelê Efrînê, Bakûrê Surî û her çar perçe û gelê me yê dervê welat em berxwedana wan silav dikin. Ev 52 roje kû şervanê YPG û YPJ li çiyayên Kurmanc dimeşînin îro careke din xortekê çiyayê kurminc serkeftin misoger kir. Hevalê me Polat Efrîn yê kû îro çalakiya li gundê Qizilbaş lidarxistî çawa kû Avesta Xabûr û Îlan Dara bûn pêşengên Berxwedana Efrînê hevalê me Polat jî tevlî karwanê pêşengtiya vê berxwedanê bû.
Ew ê YPG û YPJ vê berxwedanê her roj bilindtir bike. Ew ê her şervanek û fermandarekê me wê nehêlin dewleta Tirk a dagirker, El Nusra û DAIŞ li ser vê xakê dagirkeriya xwe pêk bine. Em hemû gelê xwe re dibêjin heya ku keç û xortê we ê kû wekî Avesta, Îlan û Polat hebe ew ê ti cara binkeftin nebe, hertim wê serkeftin hebe û ji bo xaka Efrînê jî emê ne tenê parastina wê bikin emê dewleta Tirk ya dagirker derbixînin. Dibe ku dewleta Tirk a dagirker teknîk û çeteyê xwe hebe, lê belê bila ji bîr bila neke yê me jî gelê me yê berxwedêr û qehreman heye û şervanên me yên wek Avesta, Îlan û Polat hene. Ji ber vê yekê serkeftina Berxwedana Efrînê misoger e û em ê nehêlin dewleta dagirker, El-Nusra û DAIŞ li ser vê axê jiyan bikin. Di serî de em sersaxiyê ji malbata rêhevalê xwe Polat û hemû gelê xwe yê berxwedêr re dixwazin û bila serê gelê me saxbe. Em soza bilindkirina tekoşîn û berxwedanê li Efrînê, didin.
Nasnameya şehîdê me wiha ye:
Nasnav: Polat Efrîn
Nav û Paşnav: Merwan Omer
Navê Dayikê: Meryem
Navê Bav: Elî
Cihê Ji Dayikbûnê: Efrîn / Bilbilê
Cih û Dîroka Şehadetê: Gundê Qizilbaş / Bilbilê / 12 Adar 2018
