YPJ Public Office
Agahiyên ku di daxuyaniya QSD`ê de hatine parvekirin wiha ye:
ʺLi kantona Şehbayê di navbera hêzên me û Artêşa Tirk a dagirker ji saet 12:30` piştî şev heta saetên sibê şerên giran rû dan.
Di saet 12:30`an êvarê de, Artêşa Tirk a dagirker û çeteyên wê êrîşî gundê Tiwêse kirin. Hêzên me bersiveke tûnd dane êrîşan. Her wiha hêzên me du noqteyên Tirk li gundê Kilcibrîn a bejahiya Ezazê û bargeheke din nêzî Marî û bargeheke Kefre yê nêzî gundê El-Şealê û noqteyeke çeteyan li Til Malid bi çekên giran topbaran kir.
Her wiha Artêşa Tirk û çeteyên Diri El-Firat 51 top avêtin Til Cîcan, Bendava Şehba, El-Hisye, Til Medîq û Til Rifet.
Şerên giran heta saet 5:00`ê sibê dewam kir. Di encama van şeran de, gelek leşkerên Artêşa Tirk û çeteyên Diri El-Firat hatin kuştin. Ji wan 13 kuştî hatin tekezkirin. Ji van kuştiyan 2 li gundê Tiwêse, 2 li Eyn Deqne û zêdetirî 8`an jî li noqteyên din hatin kuştin û gelek leşker û çeteyên din jî birîndar bûn.ʺ
