YPJ Public Office
EFRÎN – Navenda Raghandinê ya YPG`ê ya Efrînê derbarê çalakiyên şervanên YPG û YPJ`ê li dijî artêşa Tirk a dagirker û çeteyên wê li kantona Efrînê daxuyaniyeke nivîskî weşand.
Daxuyaniya YPG`ê wiha ye:
ʺ Di çarçoveya çalakiyên li hemberî çeteyên dewleta Tirk a dagirker de, Şervanên Yekîneyên Parastina Gel (YPG) û Yekîneyên Parastina Jin (YPJ) îro kemînek li hemberî çeteyan li navçeya Şera ya Efrînê lidar xistin. Di encamê de 7 çeteyên ku dixwestin biçin navenda bajarê Efrînê hatin kuştin.ʺ
Hêjayî bi bîr xistinê ye ku îro vê sibê jî li gundê Dêr Sewan ê navçeya Şera, bargeheke çeteyên koma bi navê “Sultan Mûrad, ji aliyê şervanên YPJ û YPG‘ê ve hate teqandin. Bi kêmanî 30 çete di pargehê de bûn hatin kuştin
