NAVENDA NÛÇEYAN – Fermandariya YPG`ê welatperwer û şoreşgerê Kurd şehîd Mihemed Reşo(Xalo) bi bîr anî.
Fermandariya YPG`ê ya Efrînê derbarê şehadeta welatperwer Mihemed Reşo(Xalo) daxuyaniyeke nivîskî weşand.
Daxuyanî wiha ye:
ʺCareke din riya berxwedana pîroz ya Efrînê canê welatperwer û şoreşgerekî bê qusûr ji nav me dibe, ji lewre dema îro em şehadeta rêhevalê xwe radigihînin. Şehnaziya şervan û gelê xwe ya bi sekn û tekoşîna wî ya bi salan nîşan didin û li beramberê wî bi rêzdarî em bejna xwe ditewînin.
Şoreşger û welatperwerê me Mihemed Reşo (Xalo) ku temenê wî yê mezin nebû asteng û kêlî bi kêlî weke endamekî canfeda yê Hêzên Parastina Cewherî (HPC) li kêleka şervanên me ev berxwedan dimeşand û erka xwe ya ku bi salan ji dil dabû li ser milê xwe bi cihdianî û herî dawî jî beriya ku şehîd bibe bi israr riya şoreşê ber nedida û şehîd bû; di dilê şervanên me de israra berxwedan û serkeftinê hîn buha û mezintir kir.
Şehadeta heval Mihemed careke din tekez dike ku riya berxwedanê bênavber wê were berdewam kirin û doza ku gel û şervan bi hevre dimeşînin serkeftiye û wê her serkeftî bimîne. Dema şoreşgerên vî welatî li ser xaka xwe şehîd dibin ji bo her kesî tekez dibe çiqase ev doz mafdar e û ne balafir, ne tank û topên dijmin pê dikare.
Li ser vî bingehî, em dibêjin bila serê malbat û serê şervan û gelê me sax be. Nirxên ku şehîdan ji bo me hiştine riya şervanên me YPG û YPJ`ê ronî dike û têrê dike ku em gelê xwe hertim di nava azadiyê de bihêlin û doza nirxên mirovatiyê bişopînin û biparêzin. Soz û biryara me ev e û em ê jê neyên xwar.
Nasnama şehîdê me wiha ye:
Nav û Paşnav: Mihemed Reşo (Xalo)
Navê Dayikê: Emîne
Navê Bav: Ibrahîm
Cih û Dîroka ji Dayikbûnê: Efrîn – Çolaqa 1956
Cih û Dîroka Şehadetê: Efrîn – Bilbil – Gundê Berkaşê / 10 Sibat 2018.ʺ