YPG`ê nasnameya şehîdên Bagera Cizîrê û Reqayê eşkere kir

October 3, 2017 Daxwuyanî, Nûçe, Pakrewan, SLIDER 798 Views

NAVENDA NÛÇEYAN – Navenda Raghandin û Çapemeniyê ya YPG`ê nasnameya 8 şervanên ku di dîroka navbera 25-30`ê Îlonê de di Pêngava Bagera Cizîrê de şehîd bibûn û nasnameya şervanekî ku di berxwedaniya 25`ê Îlonê de li Reqayê şehîd bibû, eşkere kir.

Navenda Raghandin û Çapemeniyê ya YPG`ê bi daxuyaniyeke nivîskî nasnameya 9 cangoriyên azadiyê eşkere.

Daxuyaniya ku li ser malpera fermî ya YPG`ê hatiye weşandin wiha ye:

“Pêngava Bagera Cizîrê ya bi armanca rizgarkirina bakurê bajarê Dêrezorê ji çeteyan bi hemû dijwariya xwe didome. Li bakurê Çemê Firatê pêşdeçûna şervanên QSD`ê bi piştgirî û tevlîbûna Meclîsa Leşkerî ya Dêrezor, gelê herêmê û di bin pêşengtiya YPG û YPJ`ê de didome.

Rojên çûyî bajaroka Siwerê piştî şerên giran ji çeteyan hatibû rizgarkirin. Di encama şerên giran de piştî ku li başûrê Siwêr 3 mezrayên din jî hatin rizgarkirin, şervan ji çar baskan ve ketin tevgerê. Pêşdeçûnên ewqas bilez û bibandor jî bi saya fedakartî û lehengiya şervanên azadiyê pêkan e.

Di navbera dîrokên 25 û 30`ê Îlonê de li vê herêmê, di dema şerên giran de heşt hevalên ku ji pêkhateya Ereb û zarokê herêmê bixwe ne, ji bo rizgarkirina axa xwe bi lehengî şer kirin û gihîşin şehadetê.

Herwiha nasnameya rêhevalê me Ehmed El-Sayîr ku di berxwedana 26’ê Îlonê li Reqayê gihiştibû şehadetê bi vî awayî tê ragihandin.

Em weke YPG û YPJ`ê, di serî de ji malbatên şehîdan re, ji hemû gelê xwe yê welatparêz re sersaxiyê dixwazin. Em soz didin ku heya di herêmê de yek bermahiyeke çeteyan nemîne em ê şerê wan bidomînin.

Nasnameya şehîdan wiha ye: