YPJ Public Office
NAVENDA NÛÇEYAN– Navenda Ragihandina YPG`ê bi daxuyaniyekê nasnameya 4 şehîdên Reqa, şehîdekî Efrînê û yekî Qamişlo eşkere kir.
YPG`ê di daxuyaniyê de destnîşan kir ku di 16-17`ê tebaxê de dema şervanan sivîl rizgar kirin û cihên stratejîk bi dest xistin 4 şervan, her wiha di encama topbaran Tirkî li ser Minix û derdora wê de jî hevalekî wan û di encama qezayê li bajarê Qamişlo jî rêhevalekî wan şehîd bûn.
Ferehiya daxuyaniyê wiha ye:
“Pêngava Rizgarkirina Reqqayê ku bi pêşengiya QSD’ê ve tê meşandin bi pêşveçûna şervanan ve berdewam dike. Pêngava ku ev 76 roje berdewam dike heya niha ji nîvê zêdetir navenda bajêra Reqa yê ketiye deste şervanan. Çeteyên ku bi pêşveçûna şervanan ve ketine tengasiyê, di nav bajêr de gelê sivîl wek mertal bikar bîne jî, li derdor mayinan deyne jî, bi maşîneyên bombebarkirî êrîş bike jî, bi van ve bikeve nav hewldana dirêjkirina emre xwe jî lê belê çeteyên DAİŞ’ê her ku diçe diqedin. Wek YPG û YPJ’ê pêngava ku em di nav de cîh digirin şervanên me bi taybet hewl didin sivîlan ji deste çeteyan rizgar bikin û bi armanca rizgarkirina hemû bajêr tevlîbûna xwe bi kedkariyeke mezin çêdikin. Şervanên ku herî dawî di 16 û 17’ê Tebaxê de li dijî çeteyên DAİŞ’ê bi operasyonek mezin derbê mezin li çeteyan dane cihên stratejik û bi dehan sivîl ji deste çeteyên DAİŞ’ê rizgar kirine. Di encama van operasyonan de 4 hevalên me li dijî çeteyên DAİŞ’ê bi qehremanî şer kirine û tevlî karwanên şehîdan bûne.
Di heman demê de êrîşa dewleta Tirk a dagirker li dijî Rojava bi taybet jî li hember Kantona Efrînê bi êrîşên topan ve bê navber berdewam dike. Artêşa Tirk a dagirker şeva 19’ê Tebaxê girêdayê Efrînê gundê Minix û derdora wê bi obûs û topan bombebaran kiriye, di encama topbaranê de hevalek me bi giranî birîndar bûye li nexweşxanê de rûxmê hemû hewldanên rizgarkirinê hevalê me şehîd ketiye.
Li Qamişlo jî hevalek me dema li ser erka xwe bû di encama qezayekî de gihiştiye şehadetê.
Em wek YPG û YPJ hemû şehîdên me yên qehreman bibîr tînin, emê ji bo welatek azad û jiyanek azad ku hemû gel di nav de azad jiyan bikin biafrînin, em soza şopandina riya şehîdên xwe dûbare dikin. Di vê çarçoveyê de em di destpêkê ji malbatên şehîdan re û hemû gelê me yê welatparêz re sersaxî dixwazin.
Nasnameyên pakrewanan wiha ye:
Nasnav: Amargî Kendal
Nav û Paşnav: Ibrahîm Işik
Navê Dayikê: Zahîde
Navê Bav: Nedîm
Cih û Dîroka Şehadetê: Reqqa / 16 Tebax 2017
Nasnav: Ciwan Hesekê
Nav û Paşnav: Salih El Hecî
Navê Dayikê: Baraa
Navê Bav: Idrîs
Cihê Ji Dayikbûnê: Hesekê
Cih û Dîroka Şehadetê: Reqqa / 17 Tebax 2017
Nasnav: Dijwar Karwan
Nav û Paşnav: Hecî El Etman
Navê Dayikê: Feyza
Navê Bav: Ibrahîm
Cihê Ji Dayikbûnê: Dirbêsiyê
Cih û Dîroka Şehadetê: Reqqa / 16 Tebax 2017
Nasnav: Nimir Hesekê
Nav û Paşnav: Emar Mihemed El Elî
Navê Dayikê: Menîfa
Navê Bav: Mihemed
Cihê Ji Dayikbûnê: Til Berak
Cih û Dîroka Şehadetê: Reqqa / 17 Tebax 2017
Nasnav: Serxwebun Qamişlo
Nav û Paşnav: Wîsam El Xanim
Navê Dayikê: Sewsen
Navê Bav: Elî
Cihê Ji Dayikbûnê: Qamişlo
Cih û Dîroka Şehadetê: Qamişlo / 18 Tebax 2017
Nasnav: Tekîn Efrîn
Nav û Paşnav: Mustafa Elûş
Navê Dayikê: Xedîce
Navê Bav: Macid
Cihê Ji Dayikbûnê: Efrîn
Cih û Dîroka Şehadetê: Efrîn, Gundê Miniq / 20 Tebax 2017
