Home / Daxwuyanî / YPG’ê nasnameya 5 şehîdan eşkere kir

YPG’ê nasnameya 5 şehîdan eşkere kir

NAVENDA NÛÇEYAN– Navenda Çapemeniya YPG’ê nasnameya 5 şervanên YPG’ê yên di hemeleya Rizgarkirina Reqa û Hemleya Bagera Cizîrê de şehîd bûn eşkere kir.

Daxuyaniya YPG’ê ku li ser malpera fermî ya YPG’ê hate weşandin wihaye:

Serkeftina Pêngava Rizgarkirina Reqqayê gelek destkeftî bi xwe re anîne, Reqqaya ku bi îradeya şervanên axa xwe û bi piştevaniya gelê xwe hate rizgarkirin; di rastiya xwe de gelên herêmê ji Kurd û Ereb û Siryan ji berê bêhtir nêzîkê hev kiriye. Rizgarkirina Reqqa ezmûnekî serkeftî ya gelên bakurê Sûriyê bû ku bi awayekî hevpar ji zilm û terorê xwe rizgar kirin û niha jî dixwazin çarenûsa xwe bi destê xwe binvîsînin. Bi vê yekê derî ji şoreşa li tevahî Sûriyê vedibe, soza çareseriyê ku di pratîk de pêk hat wê li hemû herêmê de belav bibe.

Piştî îlana rizgarkirina Reqqayê û ser esasê paqijkirina bajar ji bermahiyên teqemenî yên çeteyan, hejmarek zêde ji şervanên YPG’ê, YPJ’ê û pêkhateyên din yên QSD’ê li bajar de mane. Di çarçoveya van xebatan de du hevrêyên me di dîroka 30’ê Cotmehê li Reqqayê gihiştine şehadetê. Herwiha nasnameya hevalê me Dîren Munzur ku roja 15’ê Cotmehê de şehîd bibû îro tê ragihandin.

Ji aliyê din û di Pêngava Bagera Cizîrê a ku bi hemû hêza xwe li herêma bakurê Dêrazorê dewam dike, du hevalên me yên ji pêkhateya Ereb di rojên 26 û 30’ê Cotmehê di çalakî û operasyonên li dijî çeteyan gihiştine şehadetê.

Weke YPG’ê, serî de ji malbata van hevalên şehîd, ji tevahî gelê xwe yê welatparêz re sersaxiyê dixwazin û di kesayeta şehîdên îro hemû cangoriyên azadiyê bi bîr tînin. Şopdariya rêya şehîdan, parastina azadî û pêkanîna biratiya gelan weke her tim wê soza me be.

Nasnameya şehîdan wiha ye:

Birîndar Bêzar

Nav û Paşnav: Birîndar Bêzar

Navê Rast: Yehya Demirbaş

Navê Dayîkê: Emîne

Navê Bav: Ebûzer

Cihê ji Dayîkbûnê: Malatya

Cîh û Dîroka Şehadetê: 30-10-2017 Reqqa

====

Dîren Munzur

Nav û Paşnav: Dîren Munzur

Navê Rast: Ramazan Özsubaşi

Navê Dayîkê: Ezîze

Navê Bav: Ehmed

Cihê ji Dayîkbûnê: Amed

Cîh û Dîroka Şehadetê: 15-10-2017 Reqqa

========

Şervan Hesekê

Nav û Paşnav: Şervan Hesekê

Navê Rast: Esed Şêx Hisên

Navê Dayîkê: Zeyneb

Navê Bav: Ebdullah

Cihê ji Dayîkbûnê: Hesekê

Cîh û Dîroka Şehadetê: 30-10-2017 Dêrazorê

=====

Salih Selman

Nav û Paşnav: Şervan Hesekê

Navê Rast: Salih Selman

Navê Dayîkê: Qetna

Navê Bav: Mihemed

Cihê ji Dayîkbûnê: Hesekê

Cîh û Dîroka Şehadetê: 26-10-2017 Dêrazorê

====

Xebat Batman

Nav û Paşnav: Xebat Batman

Navê Rast: Enver Bariş

Navê Dayîkê: Gulistan

Navê Bav: Yehya

Cihê ji Dayîkbûnê: Batman

Cîh û Dîroka Şehadetê: 30-10-2017 Reqqa

#Beşê_Ragihandinê
#Nivîsgeha_Têkîliyên_Giştî_Ya_YPJ

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …