Home / Daxwuyanî / YPG: Artêşa Tirk a dagirker giraniya êrişên xwe da ser Efrîn û gundewarên wê

YPG: Artêşa Tirk a dagirker giraniya êrişên xwe da ser Efrîn û gundewarên wê

 YPG`ê got:”Êriş û binpêkirinên artêşa Tirk a dagirker û çeteyên ku di bin fermandariya artêşa Tirk de tevdigerin yên li ser Rojava berdewam dikin. Artêşa Tirk a dagirker giraniya êrişên xwe da ser Efrîn û gundewarên wê.

Navenda Raghandin û Çapemeniyê ya YPG`ê têkildarî êrîşên artêşa Tirk û çeteyên bi ser wê ve yên bi ser Rojava de daxuyaniyeke nivîskî weşand.

Di daxuyaniya ku li ser malpera fermî ya YPG`ê hat weşand, bîlançoya 5 rojan derbarê êrîşên artêşa Tirk de hate eşkerekirin.

Li  gorî daxuyaniya YPG`ê êrîşên artêşa Tirk û çeteyên bi ser ve yên bi ser Rojava de wiha ye:

Di 26.06.2017`an de çeteyên girêdayî artêşa Tirk bi roketên B7 û çekên doçka êrişî Girê Qestelê û gundê Maranazê yên girêdayî navçeya Efrîn Şera, Girê Şehîd Şîlan, Girê Barîn û Girê Baz yên girêdayî navçeya Efrîn Cindirêsê û bi topên hawanê jî êrişî gundê Basûfanê yên navçeya Efrîn Şêrewa kirin.

Di 27.06.2017`an de çeteyên girêdayî artêşa Tirk bi topên hawanê û çekên doçka êrişî Haciza Hedamat, gundên Eyn Deqnê, Minix, Malikiyê, El Qamiyê û Maranez yên girêdayî navçeya Efrîn Şera û gundê Basûfanê yê girêdayî navçeya Efrîn Şêrewa kirin.

Di 28.06.2017`an de çeteyên girêdayî artêşa Tirk bi topên hawanê û çekên doçka êrişî gundê Basûfanê û Bircikê Silêman yên girêdayî navçeya Efrîn Şêrewa û Girê Baz û Girê Barîn yên girêdayî navçeya Efrîn Cindirêsê kirin.

Di 29.06.2017`an de saet di navbera 11:00-12:00`an de çeteyên girêdayî artêşa Tirk bi topên hawanê êrişî gundê Bircikê Silêman yê girêdayî navçeya Efrîn Şêrewa û bi çekên doçka û BKC êrişî Maranazê yê girêdayî navçeya Efrîn Şera kirin. Her wiha di heman rojê de saet 18:00’an de bi topên hawanê êrişî gundê Bircikê Silêman yê girêdayî navçeya Efrîn Şêrewa kirin.

Di dîroka 30.06.2017`an saet 04:00`an de çeteyên girêdayî artêşa Tirk bi topên hawanê êrişî gundê Bircikê Silêman yê girêdayî navçeya Efrîn Şêrewa û saet 06:00an de bi çekên doçka êrişî gundê Zuweyr û Geliyê Zîn yên girêdayî navçeya Efrîn Cindirêsê kirin. Her wiha di heman rojê de artêşa Tirk bi guleyên tangê û topên hawanê êrişî Pira Heşarkê ya navçeya Efrîn Raco kirin.”

NAVENDA NÛÇEYAN YPG

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …