Home / Nûçe / Topbarana li ser li taxa Tirindê yê Efrînê

Topbarana li ser li taxa Tirindê yê Efrînê

EFRÎN – Di dîmen û wêneyên  li taxa Tirindê ya bajarê Efrînê hatine  kişandine de, zerara ku di encama topbarana artêşa Tirk a dagirker de çêbûye, diyar dibe.

Artêşa Tirk a dagirker û çeteyên wê îro taxa Tirindê ya bajarê Efrînê topbaran kir. Di encamê de 11 welatiyê sivîl ku di nav wan de zarok  û kesên bi temen mezin hene, birîndar bûn. Her wiha zerareke mezin jî gihîşt mal û milkên welatiyan.

Çavkaniyan piştî topbaranê, berê xwe da cihê  topbaranê û zerar ku çêbûye bi dîmen û wêne belge kir.

Welatiyê bi navê Mihemed Mûsa ku zarokê wî jî di encama topbaranê de birîndar bû, bi hêrsekê gotʺEm li mala xwe bûn. Carekê mala me hate topbarankirin û zarokê min ê biçûk birîndar bû. Ma gunehê van zarokan çi ye?.ʺ

Mûsa destnîşan kir ku li derdora wan noqteyên leşkerî tune ye, artêşa Tirk a dagirker yekser  sivîlan dike armanc.

 

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …