Home / Nûçe / Topbarana li ser Efrînê  didome, YPG û YPJ`ê bersiv didin

Topbarana li ser Efrînê  didome, YPG û YPJ`ê bersiv didin

EFRÎN – Ji şeva din ta van  kêliyan  artêşa Tirk  a dagirker û çeteyên wê kantona Efrînê  topbaran  dikin. Şervanên  YPG û YPJ`ê jî bersiva êrîşan didin.

Artêşa Tirk a dagirker û çeteyên wê gundên herêma Cindirêsê û navçeya Şera topbaran dikin.

Her wiha li gorî çavkaniyên leşkerî, artêşa Tirk a dagirker ji  axa Bakurê Kurdistanê pira Heşrekiye ya herêma Raco topbaran dike.

Di heman demê de, artêşa Tirk a dagirker û çeteyên wê ji herêma Ezazê, gundê  Dîkmedaş a  navçeya Şera topbaran kir.

Her wiha artêşa Tirk a dagirker ji qereqolên ser sînor, gundê  Şêx Xorze yê girêdayî navçeya Bilbilê topbaran dikin.

Topbaran dewam dike.

Şeva din  li Efrînê çi çêbû?

 Şeva din, artêşa Tirk a dagirker û çeteyên wê gund û navçeyên kantona Efrînê topbaran kirin. Di encamê de zerar gihîşt mal û milkên sivîlan.

Çavkaniyên leşkerî  raghandin ku artêşa Tirk û çeteyên wê ji herêma Ezazê, gundên Kefercene, Baflon, Qestel Cendo, Bîloniye û Malîkiye yên girêdayî navçeya Şera topbaran kirin. Şervanên YPG û YPJ`ê jî yekser bersiv dan  û noqteyên çeteyan ên li Ezazê topbaran kirin. Li gorî agahiyan birîndarên çeteyan hene.

Şeva din di saet 00:00`an de, şervanên YPG û YPJ`ê tevgera çeteyan li hemberî gundê  Basûfan ê navçeya Şerawa şopandin û ew kirin hedefa xwe. Tê gotin ku windahiyên çeteyan hene.

Artêşa Tirk a dagirker û çeteyên wê di saet 00:00`an ta 06:00`an de, gelek girên herêma Cindirêsê topbaran kirin.

Şevanên YPG û YPJ`ê jî yekser bersiv dan û derbarê encamên şer tu agahî nehatin bidestxistin.

Her wiha artêşa Tirk a dagirker ji qereqola Siciye ya li ser sînor, gule li gundê Senara yê  girêdayî navçeya Şiyê  ya herêma Cindirêsê reşand. Her wiha derdora gundê Merwaniyê yê navçeya Şiyê topbaran kirin.

#Beşê_Ragihandinê
#Nivîsgeha_Têkîliyên_Giştî_Ya_YPJ

Check Also

The Turkish Occupation And Its Mercenaries Are Targeting The Civilian Homes In Ain Issa

 Early this evening (July 14), the Turkish occupation and its mercenaries have targeted with mortar …