YPJ Public Office
EFRÎN – Êrîşên Artêşa Tirk a dagirker li ser gund û navçeyên kantona Efrînê û kantona Şehbayê dewam dikin.
Çavkaniyên ji kantona Şehbayê ragihandin ku Artêşa Tirk a dagirker gundê Kefernasih bi hawanan topbaran kir, di encamê de ziyanên madî gihişt mal û milkên welatiyên sivîl.
Li aliyekî din çavkaniyan ji navçeya Şera ya Efrînê diyar kir ku Artêşa Tirk gundê Kefer Cenê û Girê Dîkmedaşê da ber topan.
Welatiyê Ereb ê xwediyê sehrîca mazotê Îbrahîm Îsa got ku di encama êrîşên Artêşa Tirk de topek li nêzî sehrîca wî ya mazotê ket û parçeyên topên li sehrîcê ketin.
Di van kêliyên ku herêma Efrînê tê topbarankirin de bi hezaran welatiyên kantona Efrînê rabûne ser piyan û êrîşên Artêşa Tirk şermezar dikin.
