YPJ Public Office
ŞEHBA – Şervanên QSD‘ê yên li eniyên şer li dijî dagirkeriyê şer dikin, diyar kirin ku çawa Kobanê bi serket wê Berxwedana Serdemê jî bi serkeve.
Şervanên QSD‘ê yên li eniyên parastinê yên Şebayê derbarê êrîşên Artêşa Tirk a dagirker ji ajansa me re axivîn.
Cewher Bakur, “Armanca Tirkiyê tunekirina gelê Kurd ê li Bakurê Sûriyê ye. Erdogan baş dizane ku kurd gelekî berxwedêr e, çi bike jî nikare vîna kurdan têk bibe. Artêşa Tirk a dagirker û çeteyên wê bê serûber sivîlan hedef dikin û li dijî şervanên QSD‘ê çekên giran bi kar tîne, lê em ê ji wan re nahêlin û wan bişkînin.”
Dilgeş Cûdî, “Hêzên me li Bakurê Sûriyê şerê li dijî DAIŞ‘ê kir. Li Kobanê em bi serketin û li Efrînê jî em ê bi serkevin. Bi cenazeyê me be jî Tirkiyê derbasî herêmê nabe. Ji parastinê re em amade ne.”
Rojvan Dêrik, “Êrîşên Tirkiyê ne tenê Kurdan, hemû gelê Bakurê Sûriyê hedef digire, ji ber vê yekê erka me ye em gelê Efrînê ji hemû pêhateyên wê biparêzin. Berxwedana Efrînê li hemberî êrîşên artêşa Tirk a dagirker wê têk biçin.”
Hesen Efrîn, “Em li eniyên pêş ên parastinê ne da ku gelê Efrîn û Şehbayê ji êrîşên çeteyên arêtşa dagirker biparêzin. Her zeytûneke wê li hemberî dagirkeran wê bibe gule.”
Egîd Mustefa, “Gelê Efrînê li eniyên pêş li kêleka şervanan e. Dijmin derbasî Efrîn nabe, ji ber ku ev xak bi xwîna şehîdan hatiye avdan, berxwedana Efrînê tekez wê bi serkeve.”
