YPJ Public Office
EFRÎN -Meclîsa Malbatên Şehîdan û malbata şehîd Pêşeng Cûdî, tekoşer Pêşeng di yekem salvegera şehadeta wî de li goristana Şehîdan a navçeya Metîna bibîr anîn.
Meclîsa Malbata Şehîdan a navçeya Şera ya girêdayî kantona Efrînê şervanê YPG`ê Rênas Ehmed (Pêşeng Cûdî) di yekem salvegera şehadeta wî de bibîr anî. Cûdî di 20`ê cotmeha 2016`an de dema li ser erkê xwe yê leşkerî bû li kantona Şahba şehîd bû.
Bi dehan şêniyên navçeya Şera vê sibê, berê xwe dan gorista Şehî Refîq a li gundê Metîna û têkoşer Pêşeng bibîr anîn. Şêniyan al û sembolên herêmê û wêneyên têkoşer Pêşeng hilgirtibûn û bê navber diruşmeyên dilsoziya bi şehîdan re beriz dikirin.
Merasîma bîranînê bi deqeyeke rêzgfirtinê dest pê kir. Paşê Hevserokê Meclîsa Malbatên Şehîdan a navçeya Şera Ednan Sîmo axivî û Şehîd Pêşeng Cûdî di yekem salvegera şehadeta wî de bibîr anîn û sersaxî ji malbata şehîd re xwest. Sîbo di berdewama axaftina xwe de Şehîd destnîşan kir ku şehîd pêşeng ji bo xizmeta welatê xwe cane xwe feda kiriye û li hember û gel û welatê xwe erka xwe pêk anî.”
Di berdewama merasîmê de li ser navê malbata têkoşer Pêşeng Cûdî dayika wî Zehîde Mihemed axaftî û destpêkê bixêrhatina beşdaran kir û wiha got: “Têkoşer Pêşeng di oxira xizmeta welatê xwe de jiyana xwe feda kir.”
Di dawiya merasîmê de, beşdaran serdana gorên şehîdan kirin û durişmeyên dilsoziya bi şehîdan re berz kirin.
