YPJ Public Office
Artêşa Tirk a dagirker saet di 02:00‘an de gundê Kaxra yê girêdayî navçeya Mabata topbaran kirin. Di encama topbaranê de, Ciwan Sadiq Reşîd (35) şehîd bû û Rêberê Henan (46), Mehmûd Ebdo Îmo (51), Cemîl Mihemed Weqas (47), Ehmed Cemîl Qasim ( 38), Ehmed Silêman Mihemed (55) birîndar bû. 
Derbarê topbaranê de, welatiyê bi navê Mihemed Ekûş got “Li gorî rewşên şer me xwe bi rêxistin kiriye, rojane 5 kes ji gund derdikevin newbedariya parastinê. Duh balafirên keşfê li ser gund geriyan, paşê jî gund hate topbarankirin. Me berî da cihê ku tope lê ketine, me birîndar rakirin nexweşxaneyan.”
Jina bi navê Ofa Qadir Ebdo anî ziman ku ew li ser dengê topan şiyar bûn û got “Camê pencereyan şikest, mal xirab bûn, parçeyên topan li erebeya cîranê me ket.”
