Home / Nûçe / Şêniyên Efrînê cenazeyê şehîd Êrîş oxir kirin

Şêniyên Efrînê cenazeyê şehîd Êrîş oxir kirin

EFRÎN –  Şêniyên Kantona Efrînê cenazeyê şervanê YPG′ê Êrîş Efrîn ku di berxwedana li hember çeteyên Tirkiyê de şehîd bûye, oxir kirin. EFRIN-MIRASIMI-SAHIDAN (2)

Bi sedan şêniyên Kantona Efrînê li pêşiya nexweşxaneya Avirîn kom bûn, cenazeyê şervanê YPG′ê Ebdulqadir Miho (Êrîş Efrîn) wergirtin û ber bi goristana Şehîd Refîq a li gundê Metîna ya navçeya Şera ve ketin rê.

Li goristanê merasîma oxirkirinê bi toraneke leşkerî ji aliyê şervanên YPG/YPJ′ê ve dest pê kir. Piştre Fermandarê YPG′ê Dilxwaz Efrîn axivî, sersaxî ji malbata şehîd Êrîş re xwest û bal kişand ser berxwedana gelê Efrînê li hember komên çete û dagirkeriya Tirk. EFRIN-MIRASIMI-SAHIDAN (4)

Dilxwaz bi navê YPG′ê soza tolhildanê û şopandina riya şehîdan heta avakirina Sûriyeke Federal, da.

Piştre Endama Rêveberiya Meclîsa Malbatên Şehîdan Meryem Henan û bi navê Rêveberiya Xweser Nûrî Şêxo axivîn, sersaxî ji malbata têkoşer re xwestin û soza şopandina riya şehîdan dan.

Di dawiyê de nasnameya şehîd hat xwendin, radestî malbata wî hat kirin û cenazeyê wî di nava tîlîliyên dayîkan û dirûşmeyên ″Şehîd namirin″ de hat veşartin.

#Beşê_Ragihandinê
#Nivîsgeha_Têkîliyên_Giştî_Ya_YPJ

Check Also

The Turkish Occupation And Its Mercenaries Are Targeting The Civilian Homes In Ain Issa

 Early this evening (July 14), the Turkish occupation and its mercenaries have targeted with mortar …