YPJ Public Office
Yekîneyên Taybet ên QSD‘ê duh êvarê jineke Êzidî û du zarokên wê ji çeteyên DAIŞ‘ê rizgar kirin.
Li gorî çavkaniyên ji Meclisa Leşkerî ya Dêrazorê; Yekîneyên Taybet ên QSD‘ê di çarçoveya operasyona paqijkirina herêmên rojhilatê Dêrazorê ji çeteyên DAIŞ`ê û rizgarkirina sivîlan de malbateke Êzidî ji dê dê û du zarokên wê ji çeteyên DAIŞ‘ê rizgar kirin û ew birin cihekî bi ewle.
Li gorî agahiyên hatine wergirtin navên jina hat rizgarkirin; Semra ji gundê Til Benat ê Şengalê ye. QSD‘ê jin û zarokên wê radestî Desteya Jin a herêma Cizîrê kir da ku bi hevkariya Meclisa Rêveberiya Xweseriya Demokratîk a Şengalê radestî xizmên wê bike.
Hêzên Sûriyê Demokratîk (QSD) duh jî malbateke Êzidî ji dayik û 4 zarokên wê pêk tê, li qeraxa rojhilat a çemê Firatê ji çeteyên DAIŞ`ê rizgar kir.
