YPJ Public Office
NAVENDA NÛÇEYAN – Navenda Raghandin û Çapemeniyê ya YPG`ê nasnameya 7 cangoriyên azadiyê eşkere kir.
Navenda Raghandina YPG`ê bi daxuyaniyeke nivîskî ku li ser malpera xwe ya fermî weşandibû, nasnameya 7 şehîdan, eşkere kir.
Daxuyaniya YPG`ê wiha ye:
“Du pêngavên dîrokî yên rizgarkirina Reqa û Bakurê Dêrazorê ji aliyê Hêzên Sûriya Demokratîk (QSD) û bi pêşengtiya YPG û YPJ`ê hatine destpêkirin, di rojên xwe yên herî girîng de berdewam in. Li bakurê Dêrazorê tevî ku Rûsya, rejîma Sûriyê û alîgirên wê dixwazin bi êrişên xwe li ser QSD`ê destkeftiyên wê asteng bikin jî, şervan bi hemû hêza xwe li dijî çeteyên DAIŞ’ê pêş dikevin û derbên giran li çeteyan dixin. Di heman demê de welatiyên herêmê ku hem zilma rejîma Sûrî hem jî terora DAIŞ’ê bi çavê xwe dîtine û jiyan kirine, berê xwe didin şervanan, ji aliyê QSD ve tên rizgarkirin û ber bi cihên ewle ve tên veguhestin.
Di encama çalakî û operasyonên ku di navbera 22 û 25’ê Îlonê di çarçoveya Pêngava Bagera Cizîrê de hatine pêk anîn sê hervrêyên me gihiştine şehadetê.
Di nava cangoriyên îro de hevalê me ji pêkhateya Ereb, Rûbar Hesekê heye ku eslê xwe ji bajarê Dêrazorê ye. Rûbar di 2016’an de tevî malbata xwe koçberê Hesekê dibe û ji bo rizgarkirina bajarê ku lê ji dayik bûye tevlî YPG`ê dibe. Di pêngavên rizgarkirina Reqayê de cihê xwe digire û herî dawî di şerê Bagera Cizîrê de li bakurê Dêrazorê di şerê 25’ê Îlonê de digihîje asta şehadetê.
Du rêhevalên me li Heleb û Kobanê di encama qezayên cuda de şehîd bûne, nasnameya wan hevalan îro tê ragihandin.
Hevalê me Berxwedan Cîger ê ku ji 2012’an ve di nav tevegra ciwanan, Asayîş û piştre di nav YPG de cihê xwe girtibû, di 25’ê vê mehê di encama nexweşiyê de jiyana xwe ji dest da û gihiştiye şehadetê.
Weke YPG û YPJ`ê, serî de ji malbata şehîdan, ji tevahî gelê xwe yê welatparêz re sersaxî dixwazin û soz didin ku şopdarê ked û rêya şehîdan bin.
Nasnameya şehîdan wiha ye:
Nav û Paşnav: Armanc Cîlo
Navê Rast: Melîha Şêxan
Navê Dayikê: Semîra
Navê Bav: Nîhad
Cihê Ji Dayikbûyînê: Heleb
Cih û Dîroka Şehadetê: 18-09-2017 Heleb
————
Nav û Paşnav: Nûda Sîpan
Navê Rast: Rûxweş Wezîro
Navê Dayikê: Qedriye
Navê Bav: Kemal
Cihê Ji Dayikbûyînê: Efrîn
Cih û Dîroka Şehadetê: 19-09-2017 Kobanê, Şêxler
—————-
Nav û Paşnav: Rûbar Hesekê
Navê Rast: Qazî Ebdûlah
Navê Dayikê: Rîma
Navê Bav: Silêman
Cihê Ji Dayikbûyînê: Dêrazor
Cih û Dîroka Şehadetê: 25-09-2017 Dêrazor
——————
Nav û Paşnav: Xebat Hesekê
Navê Rast: Xebat Cemîl Beşo
Navê Dayikê: Uweyda
Navê Bav: Cemîl
Cihê Ji Dayikbûyînê: Hesekê
Cih û Dîroka Şehadetê: 25-09-2017 Dêrazor
————–
Nav û Paşnav: Zagros Hesekê
Navê Rast: Esed Mihemed Mihemed
Navê Dayikê: Semîre
Navê Bav: Mihemed
Cihê Ji Dayikbûyînê: Hesekê
Cih û Dîroka Şehadetê: 22-09-2017 Rêya Şedadê
———–
Nav û Paşnav: Berxwedan Dicle
Navê Rast: Ehmed Silêman
Navê Dayikê: Nerîman
Navê Bav: Bihcet
Cihê Ji Dayikbûyînê: Efrîn
Cih û Dîroka Şehadetê: 25-09-2017 Efrîn
———————————–
Nav û Paşnav: Dilovan Murad
Navê Rast: Necm Ehmed Elhaman
Navê Dayikê: Refe
Navê Bav: Ehmed
Cihê Ji Dayikbûyînê: Emarat Tehtanî
Cih û Dîroka Şehadetê: 24-09-2017 Reqa.”
