Li navenda Reqayê cenga giran, gelek çete hatin kuştin

 

REQA – Şerên dijwar ku duh li derdora Nexwexşaneya Wetenî û Baxçeyê El-Reşîd ên navenda Reqayê rû dabûn, ta vê kêliyê bi hemû diwariya xwe dewam dike. Her wiha li navenda Reqayê 33 çete hatin kuştin.

Cenga Mezin a Rizgarkirina Reqayê bi hemû dijwariya xwe dewam dike. Şervanên QSD`ê ku derbeyên giran li çeteyên DAIŞ`ê xistin, derbasî navenda bajarê Reqayê bûne û şerên giran rû didin.

Di vê çarçoveyê de, şerên giran  ku duh li derdora Nexweşxaneya Netewî û Baxçeyî El-Reşîd ên ku dikevin taxa El-Emîn a navenda bajarê Reqayê rû dabûn, ta vê kêliyê dewam dike. Her wiha li heman taxê maşîneyeke bombebarkirî  ji aliyê şervanên QSD`ê ve hate rûxandin û du çalakiyên xwekujî jî ji aliyê  şervanan ve hatin valaderxistin û çeteyên êrîşkar hatin kuştin.

Bi giştî di encama şerên giran ku heta niha li taxa El-Emîn de rû didin 33 çete hatin kuştin.

Li gorî agahiyên ku QSD`ê dane, di şerên giran ji duh heta niha rû didin de, 5 şervanên wan berxwedaneke bêhempa nîşan dane û gihîştine asta şehadetê.

Şerên giran li derdora Nexweşxaneya Wetenî û Baxçeyê El-Reşîd bi hemû dijwariya xwe didomin.

Check Also

Hevala me Berfîn Rizgar li Eyn îsa tevlî karwanên şehîdan bû

Hevala me Berfîn Rizgar li Eyn îsa tevlê karwanên şehîdan bû Ji gelê me û …