YPJ Public Office
EFRÎN – Li gorî agahiyên destpêkê, di encama topbarana artêşa Tirk a dagirker û çeteyên wê li ser sivîlên herêma Cizîrê û Firatê ku diçûn Efrînê de, navên 5 birîndaran hatin eşkerekirin.
Artêşa Tirk a dagirker û çeteyên wê gundê El-Ziyare ku gelê Cizîrê û Firatê di wir derbasî Efrînê dibû, topbaran kir. Di encamê de hinek welatiyên sivîl birîndar bûn.
Li gorî agahiyên destpêkê nasnameya 5 birîndaran hate eşkerekirin. Ji wan birîndaran, Mihemed Şêx Nebî ji Kobanê, Xalid Xelîl ji Kobanê û Merwan niha li nexweşxaneyên Nubil û Zehra têne dermankirin. Li gorî bijîşkan rewşa wan baş e.
Her wiha birîndarên bin navê Wensa Cawîş û Mihemed Xalid ê 60 salî li nexweşxaneya Avrîn têne dermankirin û rewşa wan jî baş e.
Gelê Efrînê diherikin nexweşxaneyan û xwînê didin.
Ji ber topbarana dijwar li ser gundê El-Ziyare(Zaretê) hejmara birîndaran nehate zanîn.
Îro vê sibê bi hezaran gelê Firatê û Cizîrê ji bo piştgiriya Efrînê berê xwe dan kantona Efrînê.
