Home / Nûçe / Li gelek eniyan şer dijwar e, şehîd û birîndarên sivîl hene

Li gelek eniyan şer dijwar e, şehîd û birîndarên sivîl hene

EFRÎN – Li navçeya Bilbilê û gundewarên wê şerekî dijwar rû dide û encama êrîşa li ser gundê Qurnê de jî şehîd bû birîndarên sivîl hene.

Berxwedana Serdemê ya li hember êrîşên li ser herêma Efrînê di roja 12′emîn de didome û li gelek eniyên berxwedanê şerekî dijwar di navbera şervanên QSD′ê û Artêşa Tirk a dagirker de diqewime.

Eniya Bilbilê

3

Ji saetên sibehê li navçeya Bilbilê ya dikeve Bakurê bajarê Efrînê şerekî dijwar li gundên Qurnê, girê Şêxorzê û Ebûdanê şerekî dijwar rû dide. Çavkaniyan  ji herêmê ragihand ku bi şerê dijwar hemwext, Artêşa dagirker û terorîstên bi top û balafiran navçe hedef digirtin û da zanîn ku di encamê de du sivîl şehîd bûn û hejmarek sivîl jî birîndar bûn. Birîndar li noqteyên Heyva Sor a Kurd têne dermankirin.

Çavkaniyan her wiha da zanîn ku di encama êrîşan de ziyan gihîşt malên welatiyan.

Şerê li navçeyê didome û di heman demê de balafirên şer û yên keşfê yên Artêşa Tirk a dagirker li asîmanê navçeyê digerin.

Eniya Şera

2

Li navçeya Şera ya dikeve bakurê bajarê Efrînê jî şerekî dijwar li derdora gundên Bîr Elî û Dêr Sewan didome. Li aliyekî din jî Artêşa Tirk a dagirker û terorîstên wê topan davêjin navçeyê.  

Eniya Cindirêsê

Li herêma Cindirêsê ya dikeve başûr bajarê Efrînê jî Artêşa Tirk a dagirker û terorîstên wê gundên Hesrîkê, Baflûrê û navenda herêma Cindirêsê bi obîsan topbaran dike. Di encamê de ziyan gihîşt malên sivîlan.

4

Niha li herêmê bêdengiyek heye.

#Beşê_Ragihandinê
#Nivîsgeha_Têkîliyên_Giştî_Ya_YPJ

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …