Home / Nûçe / Li derdora baxçeyê Reşîd û nexweşxaneya Wetenî şer dijware

Li derdora baxçeyê Reşîd û nexweşxaneya Wetenî şer dijware

REQA – Şervanên QSD′ê li derdora baxçeyê Reşîd û nexweşxaneya Wetenî pêşve diçin, çeteyên DAIŞ′ê jî bi erebeyên bombebarkirî û êrîşên xwekuj hewl didin pêşveçûna şervanan asteng bikin.

Piştî ku şervanên QSD′ê taxa Sekenê rizgar kirin, şer veguherî derdora baxçeyê Reşîd û nexweşxaneya Wetenî. Li van herêman şer bi dijwarî didome.

Çeteyên DAIŞ′ê jî hewl dan bi riya erebeyên bombebarkirî û êrîşên xwekuj pêşevçûna şervanan asteng bikin. Di bersivdayîna şervanan de erebeyeke bombebarkirî hat rûxandin û çeteyekî xwekuj  xwe li derdora nexweşxaneyê teqand.

Şer bi dijwarî didome û şervanan avahiyên stratejîk li derdora baxçeyê Reşîd û nexweşxaneya Wetenî rizgar kirin. Pêşveçûna şervanan ji bo rizgarkirina baxçe û nexweşxaneyê didome.

Navenda Ragihandina QSD′ê ragihand ku di vî şerî de 5 şervanên wan şehîd bûn.

#Beşê_Ragihandinê
#Nivîsgeha_Têkîliyên_Giştî_Ya_YPJ

 

Check Also

Di Pişt Sînor De Ava Jiyanê Veşartîbû

Bîranîna şehîd Zîn Kobanê Di nava rojê giştî de ez li benda kêliyeke bêdeng û …