YPJ Public Office
REQA – Ji şeva din ta vê kêliyê li 5 taxên Reqayê şerên dijwar rû didin. Di şerê li wna taxan de heta niha 47 çete hatin kuştin û gelek çek û cebilxane ketin destê şervanên QSD`ê.
Pêngava Rizgarkirina Reqayê ku di 6’ê Hezîranê de destpêkiri bû, bi pêşketinên şervanan û bidestxistina serkeftinan berderwam dike û şervanên QSD`ê derbeyên giran li çeteyên DAIŞ’ê dixin.
Di vê çerçoveyê de ji şeva din heta sere vê sibehê li taxên Mirûr, Emîn, Nehda, Sekene û Mansur ên navenda bajêr şerên dijwar rû didin. Di encama şer li 5 taxên navborî de 47 çete hatin kuştin û termê 36 çeteyan ket destê şervanan.
Her wiha li taxên navborî gelek çek û cebilxane ket destê şervanan. Çek û cebilxaneyên ku ketine destê şervanan wiha ne: Çekeke doçka, 4 çekên RBC, 4 hezar mermiyên kalaşnikof, 3 hezar û 500 mermiyên BKC.
Şervanên QSD her wiha li taxa Mansur balafirek keşfê xistin xwarê û 2 erebeyên bombebarkirî li taxa Sekene beriya ku bigihêjin armancê, ji aliyê şervanan ve hate desteserkirin.
Li taxên navborî şer bi pêşketinên şervanên QSD`ê, dewam dike.
