YPJ Public Office
HELEB- Jinên taxên rojhilatê Helebê ji bo YPJ`ê name nivîsandibûn û gotin ku ew deyîndarên YPJ`ê ne.
Şahiya 8`ê Adarê ya taxa Şêxmeqsûd ku bi hemû pêkhateyên xwe Ereb, Kurd, Tirkmen û Suryan tê lidar xistin, didome.
Jinên taxên Rojhilatê Helebê bi boneya 8`ê Adarê ji şervanên YPJ`ê re name rêkiribûn. Endama Meclîsa taxên rojhilatê Helebê Remziya Ehmed name xwend. Di nameyê de roja 8`ê Adarê li Rêberê Gelê Kurd Abdullah Ocalan, jinên ji bo azadiyê û tevahî jinên cîhanê hatibû pîroz kirin.
Her wiha di nameyê de berxwedaniya YPJ`ê ya li Rojava û Bakurê Sûriyeyê wiha hatibû bi lêv kirin:ʺ Di vê pêvajoyê de me dît ku çawa YPJ`ê parastina me dikir û ji bo azadiya gel û jin li ber xwe da. YPJ`ê li Kobanê, Cizîrê, Efrîn, Heleb, Şêxmeqsûd û taxên rojhilat li ber xwe daʺ.
Name bi van gotinan bi daw bû:ʺ Em weke jinên taxên rojhilatê Helebê li beramberî YPJ`ê ku ji bo azadiya jinên têdikoşe deyîndarin. Heyanî em azad bibin, em soz didin wan ku riya wan bişopînin û têbikişinʺ.
Şahî bi pêşkêşkirina awazan didome.
