YPJ Public Office
QAMIŞLO – Welatiyên Reqayê yên ku şervanên QSD’ê wan ji çeteyan rizgar kirin spasiya şervanên QSD’ê kirin û gotin ku şervanan ji bo rizgarkirina wan jiyana xwe kirin xeterê.
Şervanê QSD’ê hemleya rizgarkirina Reqayê didomînin. Şer û pevçûn li navenda bajarê Reqayê û bi taybet li taxa Nehda di navbera şervanên QSD’ê û çeteyên DAIŞ’ê de didome. Rojana şervan sivîlên bajar rizgar dikirin, duh jî şervanan 65 welatiyên sivîl ku 40 ji wan jin û zarokên taxa Nehda ne rizgar kirin. Di nava sivîlên hatine rizgarkirin de jina bi navê Semîra El-Ibrehîm a 50 salî û 8 zarokên wê jî hebûn. Semîra derbarê rizgarkirina xwe de kêfxweşiya xwe anî ziman û got ku şervanên QSD’ê ji bo rizgakirina wan jiyana xwe xistin xeteriyê û wiha dom kir: “Ev çend meh in em di çembera çeteyên DAIŞ’ê de bûn, me ne dikarî xwe rizgar bikin.”
Dayîka 8 zarokan Semîra da zanîn ku di dema çeteyên DAIŞ’ê de ew di çemberê de bûn û qedexeb bû ku xwarin û vexwarin kêm bû, her wiha nêzîkatiya çeteyan bi wan re xira bû û wiha dom kir: “Çeteyên DAIŞ’ê li dijî hemû nirxên mirovahiyê ye. Av dadigirtin didin endamên xwe û ne didan sivîlan. Xwarin jî kêm bû, me kêm kêm dixwar tenê ji bo me ne mirin.”
Dayîka bi navê Semîra kêfxweşiya xwe anî ziman ku ew û zarokên xwe hatin rizgarkirin û wiha dawî li axaftina xwe anî: “Niha zarokên min êdî dikarin bilîzin. Em spasiya şervanên QSD’ê dikin ku em û zarokên min rizgar kirin. Ji bo rizgarkirina me jiyana xwe xistin xeteriyê.”
