Ji ber topên dagirkeran firinek bi temamî hat rûxandin

Di çarçoveya êrîşên dagirkeriyê yên li ser herêma Efrînê û hedefgirtina binesaziya herêmê de, duh Artêşa Tirk a dagirker û çeteyên wê navenda herêma Racoyê dane ber topan. Di encamê de firineke herêmê şewitî, bi temamî hat rûxandin û ji xizmetê derket.

Li navenda herêma Racoyê du firinên sereke hene, nan ji bo dehan gundewarên herêmê dipêjin. Ji ber rûxandina firinekê bi hezaran şêniyên gundewarên Racoyê bê nan man.

Topbarana li ser herêmê didome û metirsî hene ku Artêşa Tirk û çeteyên wê berê topên xwe bide saziyên din ên xizmetê.

Beriya du rojan jî Artêşa dagirker tekane parzûngeha avê ya Kantona Efrînê hedef girt.