YPJ Public Office
REQA – Bi sedan şêniyên navçeya Eyn Îsa cenazê 6 şervanên QSD`ê oxirî goristana Şehîdên Reqayê kirin ku cara yekemîn şehîd lê tên definkirin.
Bi sedan welatî li pêş nexweşxaneya niştimanî ya bajarê Girê Spî civiyan, cenazê tekoşeran Mehmûd Şeiban, Xelîl El-Ebo, Elai El-Ebo, Mihemed Faris, Hemed Îsa û Îsa Nasir ku di hemleya rizgarkirina Reqayê de şehîd ketin wergirtin û bi karwanekî erebeyan ber bi gundê El-Hikumiyê yê 20 km dikeve bakurî Reqayê birê ketin.
Li gund karwanê erebeyan ji aliyê gel ve bi diruşmeyan hate pêşwazî kirin.
Li goristanê merasîman bi deqeyek rêzgirtin destpê kir, şervanên QSD`ê torenek leşkerî lidarxistin û Endamê Malbatên Şehîdan li Reqayê Mesûd Mihêsin axivî û da zanîn ku van lehengan li hember hêza herî terorî di cîhanê de şer kirin.
Her wiha Endamê Komîteya Siyasî ya Meclîsa Sûriyeya Demokratîk Hesen Mihemed Elî axivî û di giyana van şehîdan de, hemû şehîdên azadiyê bibîr anî û destnîşan kir ku wan riya rumetê hilbijartin.
Di dawiyê de nasnameya her 6 şehîdan hat xwendin, radestî malbatê hat kirin û cenazeyê 6 cangoriyan li goristana Şehidên Reqayê hatin definkirin.
Cara yekemîne ku şehidên Reqa li goristana bi navê Şehîdên Reqayê tên oxir kirin.
