YPJ Public Office
HESEKÊ – Bi sedan şêniyên bajarê Hesekê cenazeyê 3 şervanên YPG`ê yên ku di hemleya Bagera Cizîrê de şehîd bibûn bi merasîmekê li Goristana Şehîd Dijwar a bajarê Hesekê, oxir kirin.
Bi tilîlî û diurûşmeyên şehîd namirin şêniyên Hesekê cenazeyê hersê şehîdan Mûhened Tamê (Demhat Hesekê), Abdulrehman Salih (Azad Hesekê ) û Ehmed Şerîf ( Zagros) ên ku di hemleya Bagera Cizîrê de şehîd bibûne ji Meclîsa Malbatên Şehîdan, wergirtin û bi karwanekî berê xwe dan Goristana Şehîd Dijwar.
Li goristanê merasîm bi rêz girtin û toraneke leşkerî ji aliyê şervanên YPJ/YPG û Hêzên Erka Xweparastin ve hate destpêkirin.
Paşê, bi navê Meclîsa Malbatên Şehîdan Nisrîn Mesûd axivî û sersaxî ji malbatên her sê pakrewanan re xwest û got ku welat bi saya tekoşîn û berxwedana şehîdan hate rizgarkirin.
Her wiha yek ji fermandarên QSD`ê Tolvîn Hesekê axivî û diyar kir ku ew wekî hêzên leşkerî berxwedaniya xwe li hemberî çeteyan dewam bikin û hêviyên şehîdan pêk bînin.
Paşê wesîqetên şehadetê ji aliyê Endama Meclîsa Malbatên Şehîdan Rojda Ehmed ve hate xwendin û radestî malbatên wan hate kirin.
Di dawiyê de hevrêyên şehîdan cenazeyê her sê şehîdan li goristanê spartin axê.
#Beşê_Ragihandinê
#Nivîsgeha_Têkîliyên_Giştî_Ya_YPJ
