Hemleya rizgarkirina Reqayê (ku di çarçoveya pêvajoya 4′emîn a hemleyê de hatiye destpêkirin) 81 roj li pey xwe hiştin. Pêşveçûna şervanên QSD′ê didome, gelek tax û sivîl têne rizgarkirin.

Di nexşeyê de 14 taxên bajêr ên rojava û bakur rojava ″Sebahiye, Qadisiye, Hitîn, Romaniye, Yermûk,″ taxên başûr ″Nezlet Şihadê û Hîşam Bin Ebdulmelik″, taxên rojhilat ″Meşleb, Sînaa, Betanî, Reşîd, Rafîqa û Mihdî″ û taxa Reqaya Kevin a dikeve navenda bajêr, têne xuyakirin.

Taxên ku şerên dijwar lê rû didin ev in ″Deriye, Berîd û Nehda yên dikevin rojavayê bajêr, taxên Mirûr û Sekene yên başûr , taxa Mensûr a rojhilat û taxên Rewda û Rimêle yên bakur rojhilatê bajêr″.

Li aliyekî din jî taxên rizgarkirî û tunelên çeteyan ji mayînan têne paqijkirin. Armanca ji vê yekê vekirina riyên bi ewle ji bo rizgarkirina sivîlane.

Berdevka Fermî ya Odeya Çalakiyan a Xezeba Firatê Cîhan Şêx Ehmed da zanîn ku ji sedî 60 ji bajêr hatiye û wiha got: ″Pêşveçûna şervanan didome û bi hezaran sivîl ji dorpêça çeteyan têne rizgarkirin.″

Fermandarekî QSD′ê da zanîn ku şer gihîşt Sekene, Mensûr û Mirûr û got ku li van taxan hejmareke mezin ji welatiyên sivîl di bin dorpêça çeteyan de ne. Fermandar wiha axivî: ″Armanca me ya sereke rizgarkirina sivîlan e, were xwestin jî em ê pêşveçûna xwe dereng bikin.