Êrîşên çeteyan ên li ser Efrînê didome

EFRÎN – Komên çete yên girêdayî artêşa Tirk a dagirker êrîşên xwe li ser gundên li ser sînorê Efrînê didomîne.

Çavkaniyekî leşkerî yê YPG‘ê ragihand ku şervanên wan duh tevgera çeteyên girêdayî artêşa Tirk a dagirker a li derdora gundê Merenaz ê navçeya Şera şopand û bi çekên sivik ew hedef girtin. Çavkaniyê diyar kir ku çete neçar man birevin. Derbarê ziyanên ku gihaştin çeteyan agahî nehatin zanîn.

Hate ragihandin ku çeteyan 4 topên hawnê avêtin gundê Basûfanê û bi çekaya doçkayê êrîşî girê başûrê navçeya Şêrawa kirin. Di encama topbaranê de ziyanên madî çêbûn.

Ji vê sibehê ve li herêmê bêdengî serwer e.