YPJ Public Office
EFRÎN – Şervana YPJ`ê Viyan Tolhildan diyar kir ku wan êrîşa artêşa Tirk a dagirker li ser Serinckê yê girêdayî navçeya Meydankê têk birin û di encamê de bi dehan leşkerên Tirk û çeteyên wê hatin kuştin.
Artêşa Tirk a dagirker û çeteyên wê di saet 06:00`an de êrîşî gundê Serinckê kirin. Şervanên YPG û YPJ`ê bersiv dan û êrîşên wan vala hate derxistin.
Şervana YPJ`ê Viyan Tolhildan ku yek ji şervanên ku cihê xwe di têkbirina êrîşên dagirkeran de girtibûn, diyar kir ku derdora 200 leşker Tirk û çeteyên wê êrîşî gundê Serinckê kirin.
Tolhildan her wiha got ku artêşa dagirker bi balafiran û topavêjan jî êrîşî gund kirin.
Viyan tekez kir ku wan ji sê aliyan ve hêzên dagirker xistin kemînê û di encamê de bi dehan leşker û çete hatin kuştin.
Viyan anî ziman ku şer derdora 5 saetan dewam kir û herî dawî hêzên dagirker ji qada şer reviyan.
Şevana YPJ`ê di dawiya axaftina xwe de got ew ê biserkevin.
